Անշարժ գույքի ոլորտի մասնագետները ողջ տարվա ընթացքում ուսումնասիրում են շուկայում տիրող վաճառքի ինտենսիվությունը, աշխարհի և երկրի տնտեսական և քաղաքական իրավիճակը և գալիս այն եզրահանգման, որ սեզոնայնությունը բավական կարևոր գործոն է։ Մասնագետների կարծիքով՝ գարնանն ու աշնանը բնակարան վաճառելը ձեռնտու է։ Իհարկե, չպետք է մոռանալ, որ մրցունակ գնով լավ բնակարանը միշտ էլ պահանջարկ կունենա՝ անկախ տարվա կամ ամսվա եղանակից։ Նախ՝ եկեք պարզենք, թե ինչու է սեփականատերը որոշում վաճառել բնակարանը:
Անշարժ գույքի վաճառքի պատճառները.
Պատճառները շատ են, թվարկենք դրանցից մի քանիսը.
1. Ընտանիքի անդամների կազմում փոփոխությունը (ամուսնություն, երեխաների ծնունդ, ամուսնալուծություն և ունեցվածքի բաժանում, ընտանիքի անդամներից մեկի մահ) ենթադրում է տարածքի մեծացման կամ կրճատման անհրաժեշտություն։
2. Բնակության վայրի փոփոխություն. երբ որոշվում է մշտական բնակության համար տեղափոխվել այլ քաղաք կամ երկիր:
3. Հիփոթեքի հետ կապված իրավիճակ (օրինակ՝ բարձր տոկոսադրույքներ):
4. Եկամտի փոփոխություն. երբ ֆինանսական վիճակը բարելավվում է, շատերը վաճառում են փոքր բնակարանը, որպեսզի մեծ տարածքով և ավելի հարմարավետ թաղամասում բնակարան ձեռք բերեն։ Եվ հակառակը՝ ֆինանսական դժվարությունների դեպքում վաճառում են բնակարանը, որպեսզի ինչ-որ կերպ կայունացնեն ֆինանսական ծախսերը:
5. Ժառանգություն ստացած բնակարանը շատ դեպքերում պահանջում է ֆինանսական ներդրումներ (օրինակ՝ հիմնովին վերանորոգում), ուստի ամենից հաճախ ժառանգը նման բնակարանը կամ աճուրդի է հանում, կամ հանձնում է վարձակալության։
6. Խնդրահարույց հարևաններն ու անբարենպաստ համայնքը շատ հաճախ ստիպում են տեղափոխվել:
7. Իրական ներդրում. ձեռք է բերվում նոր անշարժ գույք՝ (երկրորդական շուկայի բնակարան կամ նորակառույց շենք) հետագայում հավելավճարով վերավաճառելու նպատակով:
8. Բիզնես բացելու համար անհրաժեշտ է մեկնարկային կապիտալ, որը կարելի է ձեռք բերել, օրինակ, բնակարանի վաճառքից։
Բնակարանը վաճառելուց առաջ հարցրե՛ք ինքներդ ձեզ. առաջնահերթությունը տալիս եք հրատապությա՞նը, թե՞ շահույթին: Ըստ դրա պարզ կլինի՝ արդյոք պե՞տք է սպասել սեզոնային առաջարկներին, թե՞ ոչ:
Որ ամիսներին են գրանցվում վաճառքի բարձր ցուցանիշներ
Ինչպես արդեն նշեցինք, բնակարանի վաճառքի ամենալավ սեզոնը գարուն-աշուն ժամանակաշրջանն է։ Ավելի կոնկրետ՝ փետրվարի վերջից մինչև մայիսյան տոներ և սեպտեմբերից դեկտեմբեր, մինչև ամանորյա տոներ։ Իսկ ինչո՞ւ հենց այս ժամանակահատվածում: Բանն այն է, որ առաջնային և երկրորդային շուկաներում բնակարանների վաճառքը գագաթնակետին է հասնում գարնանը և աշնանը։ Այս սեզոնը բնութագրվում է բարձր պահանջարկով և գներով։
Եթե խոսենք կոնկրետ ամսվա մասին, ապա կարելի է առանձնացնել նոյեմբերից դեկտեմբերի վերջը։ Հոգեբանորեն ապացուցված է, որ շատերը նախընտրում են Նոր տարին դիմավորել նոր բնակարանում՝ այսպես ամանորյա նվեր մատուցելով իրենք իրենց և ընտանիքին։
Ո՞ր ամսին են բնակարանների վաճառքի ամենացածր գները
Դժվար է միանշանակ պատասխանել այս հարցին։ Ոմանց համար սա կարող է լինել ամառային ամիսները, երբ ոչ ոք չի մտածում գնելու կամ վաճառելու մասին, քանի որ բոլորն ուզում են փախչել առօրյա եռուզեռից ու առօրյա հոգսերից: Հոգեպես բոլորը լողում են ծովում, արևի տակ արևայրուք են ընդունում: Մյուսների համար հունվարն է, երբ ամանորյա տոներից հետո դեռ դժվար է լինում վերադառնալ աշխատանքային առօրյա: Իրականում, տարվա սկիզբը «մեռած» սեզոն է թե՛ վաճառողների, թե՛ գնորդների համար։
Եզրակացություն
Ռիելթորները խորհուրդ են տալիս չկենտրոնանալ միայն սեզոնայնության վրա, քանի որ այս գործոնը միակը չէ։ Անշարժ գույքի գինը կարող է ամսեամիս աճել և կախված չէ տարվա եղանակից: Դիմելով անշարժ գույքի գործակալություն՝ դուք կարող եք վաճառել ձեր բնակարանը հմուտ մասնագետների աջակցությամբ: Նրանք մշտապես ուսումնասիրում են անշարժ գույքի շուկայի միտումներն ու առաջարկները։ Փորձառու ռիելթորներն և իրավաբանները ոչ միայն կկարողանան օգնել ձեզ շահավետ վաճառել ձեր բնակարանը, այլ նաև կկարգավորեն բոլոր իրավական հարցերը թե ՛գործարքներից առաջ և թե՛ հետո:
