Տարեցտարի, նորագույն տեխնոլոգիաների և ժամանակակից շինարարական նյութերի ի հայտ գալով, արմատապես փոխվում են մեր պատկերացումները որակյալ բնակելի տարածքի մասին: Երկար տարիների ընթացքում համաշխարհայի անշարժ գույքի խոշոր գործակալությունների վերլուծաբանները (Christie’s, Nicoliers, M16 GROUP), որոնք զբաղվում են առանձնատների, բնակելի տների և պրեմիում դասի բնակարանների վաճառքով, հարցում են անցկացրել իրենց հաճախորդների շրջանում: Հարցման նպատակն է եղել պոտենցիալ գնորդներից պարզել, թե ինչ է էլիտար անշարժ գույքը: Եկե՛ք միասին դիտարկենք, թե ինչ չափանիշներ են նշվել.
1. Ճարտարապետություն և գտնվելու վայր: Այս տեսանկյունից կարելի է առանձնացնել մի քանի միտում. ոմանք ձգտում են գնել բնակելի և կոմերցիոն սեփականություն նոր համայքներում, որոնք վերջերս են դարձել պահանջված: Մյուսները նախընտրում են ապրել մեծ քաղաքների կենտրոնում՝ լինի դա գեղեցիկ բնակարան նորակառույց շենքում, կամ նորաոճ տուն դասական ճարտարապետությանբ որևէ հին շինությունում: Երրորդները ֆինանսապես ամենաապահովված այն գնորդներն են, որոնք ցանկանում են իրենց կապիտալը ներդնել ոչ միայն շքեղ բնակարանների, այլ նաև ճարտարապետական արվեստի գլուխգործոցների կամ հայտնի մարդկանց պատկանող պատմական հուշարձանների մեջ:
2. Էկոլոգիականություն և ժամանակակից տեխնոլոգիաներ: Հարուստ գնորդներից շատերը, որոնք գնահատում են շրջակա միջավայրի մաքրությունը, նախընտրում են էկոլոգիապես մաքուր և էներգաարդյունավետ բնակարաններ, այսպես կոչված «կանաչ» տները: Տարեցտարի կառուցապատողներն առաջարկում են ավելի ու ավելի արդյունավետ լուծումներ (էներգախնայող երկկողմանի պատուհաններ, ջերմության և աղմուկի մեկուսացում, ջրի մաքրման սարքավորումներ, «խելացի» տեխնոլոգիաներ և այլն):
3. Բացառիկ նախագծում: Փոքր բնակարանները տեղ չունեն էլիտար անշարժ գույք կատեգորիայում: Ընդհանուր մակերեսը պետք է լինի ավելի քան 90 քմ, բարձր առաստաղներով (միջինը 3 մետր), մեծ խոհանոցով (նվազագույնը 20 քմ)։ Նախագծման համար խիստ չափորոշիչներ չկան, սակայն էլիտար բնակարանները պետք է լինեն ընդարձակ և լուսավոր, այդ նպատակով սովորաբար տեղադրում են պանորամային պատուհաններ։
4. Տնամերձ փակ տարածք՝ նախատեսված հարմարավետ հանգստի և ժամանցի համար։ Օրինակ՝ փոքրիկ այգի՝ շատրվաններով, կանաչապատ տարածք՝ լանդշաֆտային դիզայնով, բացօթյա սպորտային կամ մանկական խաղահրապարակ, արվեստի կենտրոններ, հարմարավետ նստարաններ և այլն։
5. Անվտանգություն: Անվտանգության ծառայություն, բակի, տան, աստիճանավանդակների շուրջօրյա տեսահսկում՝ ձայնագրմամբ: Նախասրահ և այցելուների մոնիտորինգի համակարգ, տեսախցիկներով դոմոֆոններ:
6. Ենթակառուցվածք: Էլիտար բնակելի համալիրը պետք է ունենա ավտոկայանատեղի (ցանկալի է ստորգետնյա՝ նախատեսված բնակիչների համար և վերգետնյա՝ հյուրերի համար): Իդեալական տարբերակ է համարվում, երբ ամեն բան շատ մոտ է՝ լողավազանը, SPA սրահները, մարզասրահ կամ ֆիթնես կենտրոնը, մանկապարտեզը, սուպերմարկետը, սրճարաններն ու ռեստորանները:
7. Պարտադիր ծառայություններ: Տեխնիկական և մաքրման ծառայությունների առկայություն, տարածքի մաքրման հսկողություն, թափոնների տեսակավորում, հեռացում և այլն:
8. Կենտրոնացված օդափոխության համակարգ: Էլիտար շինության ֆասադային հատվածում օդորակիչներ չեն տեղադրում: Այստեղ գործում են կենտրոնացված ջեռուցման, հովացման և օդափոխության համակարգեր: Այնուհանդերձ, յուրաքանչյուր բնակիչ իր տանն ունի անհատական կառավարման համակարգ:
Եզրահանգում: Էլիտար անշարժ գույք են համարվում պրեմիում դասի կառույցները, որոնք տեղակայված են էլիտար տարածքներում, ունեն կայուն ներքին ենթակառուցվածք, փակ տարածք, 24-ժամյա անվտանգություն, բացառիկ լանդշաֆտ և թանկարժեք ինտերիեր։
Ի՞նչ արժե էլիտար անշարժ գույքը
Պրեմիում սեգմենտին պատկանելու հիմնական չափանիշը արժեքն է։ Էլիտար անշարժ գույքի գինը կախված է նախ՝ նրանից, թե որ շուկան ենք ուսումնասիրում՝ քաղաքայի՞ն, թե՞ զբոսաշրջային, ի՞նչ ենք դիտարկում՝ բնակարա՞ն, առանձնատո՞ւն, թե՞ կոմերցիոն անշարժ գույք և որտե՞ղ է գտնվում:
Եզրակացություն: Էլիտար բնակարանները, բացառիկ պենտհաուսները, շքեղ առանձնատները և առհասարակ, պրեմիում դասի ցանկացած անշարժ գույք ընդգծում է դրա սեփականատիրոջ բարձր կարգավիճակը։
Հայաստանում էլիտար անշարժ գույք գնելու համար պարզապես դիմե՛ք մեր մասնագետներին, ովքեր կօգնեն Ձեզ գտնել երազանքի տունը:
