Անշարժ գույք, որը եկամուտ է բերում. ուղեցույց ներդրողների համար

Վերջին ժամանակներս շատերն են ձգտում ներդրումներ կատարել, և նրանցից յուրաքանչյուրը մտածում է, թե ինչ բնագավառում ներդնի ֆինանսը՝ կայուն և բարձր եկամուտ ունենալու համար։ Ճիշտ ներդրում կատարելու դեպքում հնարավոր է ունենալ կանոնավոր ֆինանսական հոսքեր և եկամուտ: 

Ներդրե՛ք ձեր ֆինանսը անշարժ գույքի մեջ: Սա հուսալի է, շահութաբեր: Իհարկե, ռիսկեր միշտ էլ կան, բայց անշարժ գույքի շուկան  բավական արագ վերականգնվում է և շարունակում է զարգանալ։ Եկամտաբեր անշարժ գույք ձեռք բերելուց առաջ պետք է հաշվի առնել բազմաթիվ գործոններ: Եկե՛ք միասին դիտարկենք անշարժ գույքի տեսակները, սահմանենք ընտրության չափանիշները և բերենք հաջողված ներդրումների օրինակներ:

Ինչպիսի՞ անշարժ գույքն է հարմար ներդրումների համար

Առանձնացնենք 3 հիմնական խումբ.

1. Կոմերցիոն անշարժ գույք: Սրանք  ձեռնարկատիրական գործունեության համար նախատեսված օբյեկտներ են: Օրինակ՝ գրասենյակներ և ձեռնարկություններ, խանութներ և առևտրի կենտրոններ, հյուրանոցներ և ռեստորաններ, պահեստներ և ավտոտնակներ: Այսպիսի ներդրումներում պահանջվում են մեծ ֆինանսներ, սակայն ակնկալվող եկամտաբերությունն ավելի բարձր է լինում:

2.  Անշարժ գույքի վարձակալությունը ամենատարածված տեսակն է, որը կարող է ապահովել մշտական եկամուտ՝ լինի դա բնակելի, թե կոմերցիոն տարածքների վարձակալություն։ Իհարկե, կան նաև դժվարություններ, օրինակ՝ սեփականատերը ստիպված է լուծել գույքի պահպանման և վարձակալների հետ կապված խնդիրները։

3. Flipping – անշարժ գույքի ձեռքբերում՝ հետագայում ավելի բարձր գնով վերավաճառելու նպատակով: Ներդրողի առջև դրվում է լուրջ խնդիր՝ շուկայի վերլուծություն, գների մոնիտորինգ, օբյեկտի ընտրություն, գնում, վերանորոգում, գնորդ գտնելու և գործարքի կնքում։ Ամեն բան ճիշտ հաշվարկելու դեպքում այս ռազմավարությունը, թեև ռիսկային, բայց կարող է շահութաբեր դառնալ:

Ի՞նչ անշարժ գույք ընտրել

Եթե ցանկանում եք եկամտաբեր ներդրում կատարել անշարժ գույքի ոլորտում, ունենալ շահույթ և խուսափել ռիսկերից, ապա  հաշվի առեք մի քանի գործոն.

1. Իրավիճակը շուկայում. ուսումնասիրեք տեղական անշարժ գույքի շուկայի միտումները և ընթացիկ զարգացումները, վերահսկեք պահանջարկի դինամիկան, գները և ռիսկերը:

2.  Գտնվելու վայրը. սեփականություն ընտրեք բարձր պահանջարկ ունեցող տարածքներում: Սա կարող է լինել թե՛ բնակարան Երևանի կենտրոնում թե՛ նոր շենք էկոլոգիապես մաքուր տարածքներում, թե՛ զբոսաշրջության համար նախատեսված տեղանք:

3. Գույքի վիճակը, շինարարական նյութերի որակը, ժամանակակից նախագծումը, ներքին  հարդարումը ազդում են շահութաբերության վրա:

4. Դրամական հոսքեր.  սա ընդհանուր եկամտի և բոլոր ծախսերի միջև եղած տարբերությունն է (հիփոթեքային վճարումներ, գույքահարկ և գործառնական ծախսեր):

Ռիսկերը և դրանց նվազեցման ուղիները

Ներդրումային ռիսկերը ծագում են արտաքին (տնտեսական ճգնաժամ, քաղաքական իրադարձություններ և բնական աղետներ) կամ ներքին (շուկայի անբավարար հետազոտություն և ակտիվների սխալ բաշխում) գործոնների ազդեցության տակ: Այս ռիսկերից խուսափելու կամ նվազեցնելու համար ներդրողները պետք է ընտրեն ճիշտ գնորդների կամ վարձակալների, ունենան պահուստային ֆոնդ և ֆինանսներ ներդնեն  ապահովագրության մեջ:

Եկամտի հաշվարկ

Իհարկե, ներդրողները չեն կարող նախապես վստահ լինել, որ շահույթ կլինի, բայց նրանք կարող են հաշվարկել անշարժ գույքում ներդրումների վերադարձը (ROI - «Return On Investment»): 

Հաշվարկի բանաձև՝ ((տարեկան ներդրումային եկամուտ − Ծախսեր) / Ծախսեր) x 100%.

Եթե ROI = 100%, ապա ներդրողը ոչինչ չի վաստակել, բայց ոչինչ չի կորցրել:

ROI < 100% - ներդրումը չի մարվել, ներդրողը վնասներ է կրում:

ROI > 100% - բիզնեսը եկամուտ է ստեղծում:

Անշարժ գույքի կառավարում

Երբ արդեն ձեռք եք բերել անշարժ գույք, ապա կարևոր է ճիշտ տնօրինել այն՝ առավելագույն շահույթ ստանալու համար: 

Օրինակ՝ վարձակալության դեպքում տանտերերը պետք է ընտրեն վարձակալներ, որոնք վճարունակ կլինեն հարկ եղած դեպքում կատարելու վերանորոգում, կլուծեն առաջացած խնդիրներն ու կոնֆլիկտային իրավիճակները:

Առք ու վաճառքի դեպքում պետք է մտածել բիզնեսից դուրս գալու հուսալի ռազմավարություն, օրինակ՝ սպասել  շուկայական պայմանների բարելավման։

Եթե դուք չեք ցանկանում կամ այնքան զբաղված եք, որ չեք կարող ինքնուրույն կառավարել գույքը, ապա կարող եք դիմել կառավարող ընկերության, որը ձեր փոխարեն կկատարի ծառայությունների ողջ փաթեթը:

Անշարժ գույքի ձեռքբերման հաջողված օրինակներ

Ներդրողների շրջանում կա կարծրատիպ. «Ավելի լավ է գնել ամենավատ տունը լավագույն փողոցում, քան լավագույն տունը ամենավատ վայրում»: Դուք կարող եք չհամաձայնել, բայց ներդրումների 100%-անոց հաջողությունը կախված է գույքի տեղակայումից (զարգացող քաղաքներ, առողջարաններ կամ լեռնադահուկային հանգստավայրեր և այլն), ենթակառուցվածքներից: 

Գնե՛ք բնակարան Երևանի կենտրոնում և կատարե՛ք դիզայներական վերանորոգում. սա կապահովի կայուն դրամական հոսք, և գույքը ժամանակի ընթացքում կթանկանա։ Կամ ձեռք բերեք գույք զարգացած ներքին ենթակառուցվածքով բնակելի համալիրում։ Լեռնադահուկային հանգստավայրի մոտ գտնվող բնակելի կամ կոմերցիոն անշարժ գույքում ներդրումներ կատարելը նույնպես անշարժ գույքի հաջող ներդրման իդեալական օրինակ է:

Եզրակացություն

Անշարժ գույքում ներդրումներ կատարելը իսկապես հետաքրքիր գործընթաց է, որը ոչ միայն շահույթ կբերի, այլև շատ նոր փորձառություն: Ճանապարհին կարող եք հանդիպել վայրիվերումների, բայց եթե հետևեք վերը նշված խորհուրդներին և հաջող օրինակներին, կկարողանաք ստեղծել անշարժ գույքի շահութաբեր պորտֆոլիո: