Կենտրոն
Երևանի կենտրոնն ամենահեղինակավոր ու գրավիչ հատվածն է, որտեղ տեղակայված են վարչական, կառավարական կառույցները, մշակութային ու ժամանցային օբյեկտները, հյուրանոցներն ու ռեստորանները, սրճարանները, զբոսայգիները, բրենդային խանութները և այլն:
Վերոնշյալ հանգամանքների շնորհիվ Երևանի կենտրոնի անշարժ գույքն ամենաթանկարժեքն ու ամենապահանջվածն է և ունի կայուն արժեք՝ մեկ քառակուսի մետրի արժեքը միջինում $2000-7000 է, կախված շենքի դիրքից եւ գույքի վիճակից, իսկ վարձակալությամբ տրվող գույքն ապահովում է կայուն եկամուտ:
Արաբկիր
Երևանի այս թաղամասը մոտ է քաղաքի կենտրոնին և ունի զարգացած եթակառուցվածքներ: Արաբկիրն ամենից հաճախ ընտրում են ընտանիքներն ու ուսանողները, ինչը նշանակում է, որ շատ գրավիչ տարբերակ է անշարժ գույքը երկարաժամկետ վարձակալության տրամադրելու համար:
Դավթաշեն
Երևանի խաղաղ ու անվտանգ թաղամասերից է, որտեղ բավական շատ են կանաչապատ տարածքները, ժամանակակից բնակելի համալիրները, բազմաբնակարան նորակառույցներն ու հարմարավետ կյանքի համար անհրաժեշտ բոլոր ենթակառուցվածքները: Այս ամենի շնորհիվ Դավթաշեն թաղամասը նույնպես շատ հարմար է երկարաժամկետ ներդրումների համար:
Եզրակացություն
Երևանի կենտրոնում անշարժ գույքի վարձակալությունը եղել և մնում է պահանջված, ինչը նշանակում է, որ մայրաքաղաքում անշարժ գույքի ձեռքբերման հարցում ներդրում կատարելը կարող է ապահովել կայուն ու երկարաժամկետ եկամուտ, իսկ ներդրումների արդյունավետությունն ապահովելու համար անհրաժեշտ է անշարժ գույքը գնել զարգացող և պահանջարկ վայելող վարչական շրջաններում, ինչպիսիք են Կենտրոնը, Արաբկիրը, Դավթաշենը:
