Ներդրումային նպատակով անշարժ գույք ձեռք բերելը նախատեսում է նաև որոշակի պատասխանատվություն և ռիսկեր, որոնք անպայման պետք է հաշվի առնել և կշռադատել նախքան գույքի ձեռքբերումը: Թվարկեմ այն հիմնական դրույթները, որոնք կարող են հանդես գալ որպես բացասական գործոն:
Բարձր նախնական ծախսեր: Անշարժ գույք գնելը պահանջում է նշանակալի նախնական ներդրումներ, այդ թվում՝ նախնական վճար, գործարքի ձևակերպման ծախսեր, հարկեր և վճարներ:
Սպասարկման և շահագործման ծախսեր: Անշարժ գույքի սեփականատերը պետք է հաշվի առնի սպասարկման, նորոգման, կահավորման, կոմունալ ծառայությունների և ապահովագրության ծախսերը:
Արժեքի նվազման ռիսկ: Անշարժ գույքի արժեքը կարող է նվազել տնտեսական անկումների, պահանջարկի և առաջարկի փոփոխությունների, աշխարհաքաղաքական վիճակի, ինչպես նաև այլ գործոնների հետևանքով:
Ցածր լիկվիդայնություն: Անշարժ գույքը լիկվիդային ակտիվ չէ. վաճառքի գործընթացը կարող է շատ ժամանակ պահանջել և նշանակալի ջանքեր պահանջել:
Վարձակալների ռիսկ: Վարձակալության տրվող անշարժ գույքի դեպքում կա ոչ վստահելի վարձակալների ռիսկ, ովքեր կարող են ուշացնել վճարումները կամ վնաս պատճառել գույքին:
Տնտեսական և օրենսդրական ռիսկեր: Տնտեսության, հարկային օրենսդրության, հողօգտագործման և քաղաքաշինական նորմերի փոփոխությունները կարող են բացասաբար ազդել գույքի արժեքի և գրավչության վրա:
Աշխարհագրական ռիսկեր: Անշարժ գույքի արժեքը մեծապես կախված է գտնվելու վայրից: Տնտեսական փոփոխությունները կամ բնական աղետները կարող են նշանակալիորեն ազդել որոշ շրջաններում գների վրա: Այս առումով կրկին արժե նշել, որ Երևանի կենտրոնում գտնվող անշարժ գույքը, ունենալով մշտական պահանջարկ, ցանկացած իրավիճակում պահպանում է արդիականությունն ու բարձր արժեքը:
Ի՞նչ խորհուրդ կտաք նրանց, ովքեր պատրաստվում են ներդրումներ կատարել Երեւանի անշարժ գույքի շուկայում
Անշարժ գույքի շուկան օրեցօր առաջարկում է ներդրման ավելի ու ավելի բազմազան տարբերակներ, ընձեռում ներդրման հիանալի հնարավորություններ, բայց և ունի ռիսկային կողմեր: Նախքան գույք ձեռք բերելը կարևոր է մանրակրկիտ վերլուծել և հաշվի առնել տվյալ ներդրման թե՛ դրական, թե՛ բացասական կողմերը: Ցանկացած գործարքից առաջ, հատկապես, եթե գույքն ունի բարձր արժեք, ճիշտ կլինի մանրակրկիտ ուսումնասիրել շուկան, համագործակցել ոլորտի մասնագետների՝ անշարժ գույքի գործակալների, իրավաբանների, ֆինանսական խորհրդատուների հետ: Մասնագետների վերլուծություններն ու խորհրդատվությունը կօգնեն նվազեցնել ներդրման հետ կապված ռիսկերը և առավելագույն օգուտ քաղել անշարժ գույքի գործարքներից:
Նշենք, որ Կասկադ Ռիելթի անշարժ գույքի գործակալությունը, լինելով ոլորտի առաջիններից և առաջատարներից, տրամադրում է բարձրակարգ խորհրդատվություն անշարժ գույքի հետ կապված ցանկացած հարցում:
