10 պատճառ Երևանում անշարժ գույք գնելու համար

Հայաստանում անշարժ գույք գնելը հիանալի որոշում է թե՛ տեղաբնակների, թե՛ սփյուռքահայերի և օտարերկրացիների համար: Այս հոդվածում մենք կներկայացնենք 10 պատճառ, թե ինչու արժե գնել անշարժ գույք Հայաստանում, և հատկապես՝ մայրաքաղաք Երևանում։

1. Գնի հեռանկարային աճ: Վերջին 5 տարիներին շուկայական գներն աճել են 8-9%-ով։ Այս հանգամանքը երկարաժամկետ ներդրման համար բարենպաստ և շահավետ պայմաններ է ստեղծում։

2. Ստաբիլ եկամուտ վարձակալման տրամադրելու դեպքում։ Բնակարանի վարձակալությունից եկամտաբերությունը կազմում է տարեկան 5%, բնակարանները օրավարձով տրամադրելը՝ մինչև 9%, իսկ առևտրային անշարժ գույքի վարձակալությունից շահույթը կազմում է 10-12%: 

3. Նվազագույն ռիսկ և պաշտպանություն գնաճից։ Ձեռք բերելով կոմերցիոն, բնակելի, բյուջետային կամ էլիտար անշարժ գույք՝ Դուք Ձեր ներդրումներն ավելի քիչ խոցելի եք դարձնում, քանի որ անշարժ գույքը միշտ կարելի է հաջող կերպով վերավաճառել։ 

4. Հարկերի բացակայություն ժառանգություն թողնելու, նվիրաբերման կամ շահույթի աճի դեպքում:

5. Օտարերկրացիների համար սեփականության չսահմանափակված առավելություններ։ Այլ երկրի քաղաքացիները համարվում են անշարժ գույքի 100%-ոց սեփականատեր։ Տվյալ երկրի բնակիչների հետ հավասար օտարերկրացիները կարող են լիարժեք տնօրինել իրենց ունեցվածքը (գնել, սեփականացնել, վաճառել, վարձով տալ կամ կտակել): Կարդացե՛ք այս մասին մեր հոդվածում՝ Օտարերկրացիները կարո՞ղ են գնել անշարժ գույք Հայաստանում:

6. Անշարժ գույքի գրանցման պարզ գործընթաց։ Անշարժ գույքի գրանցման ընթացքը կարող է տևել 7-8 աշխատանքային օր։ Ոչ պակաս կարևոր է այն փաստը, որ առք ու վաճառքի գործարքներ կարելի է կնքել հեռավար, օրինական ներկայացուցչի միջոցով՝ նոտարական կարգով հաստատված պատվերով։

7. Զարգացած ենթակառուցվածքներ։ Երևանի բոլոր համայնքներում մի քանի քայլի վրա կան դպրոցներ, մանկապարտեզներ, այգիներ և պողոտաներ, խանութներ և սուպերմարկետներ, ժամանցի և առևտրի կենտրոններ։

8. Յուրահատուկ կլիմա։ Չնայած տարածքով փոքր լինելուն, Հայաստանի տարածքում գործում են 3 կլիմայական գոտիներ (մերձարևադարձային, բարեխառն և մայրցամաքային) և 6 կլիմայական զոնաներ։ Մայրաքաղաք Երևանն ունի մայրցամաքային կլիմա՝ բավականին ցուրտ ձմեռներով և շոգ ամառներով։

9. Առողջարանային և զբոսաշրջային պոտենցիալ։ Վերջին տարիներին նկատվում է զբոսաշրջային ներհոսքի դինամիկ աճ։ Հայաստանը ամբողջ աշխարհից զբոսաշրջիկներին գրավում է ոչ միայն իր բնապատկերներով և բնության այգիներով, պատմությամբ և մշակույթով, այլ նաև ըստ հետաքրքրության բազմազան տուրերով (դասական տուրերից զատ՝ գաստրո և գինու տուրեր, ակտիվ և էքստրեմալ տուրեր)։ Հետևաբար՝ տեսարժան վայրերի մոտակայքում անշարժ գույքի գնումը հնարավորություն է տալիս ոչ միայն ունենալ սեփական հարմարավետ անկյունը, այլև վարձակալության տրամադրելու միջոցով եկամուտ ունենալ։

10. Անվտանգություն։ Համաձայն աշխարհում խոշորագույն տվյալների օնլայն հարթակի՝ Numbeo-ի ցուցանիշներին՝ արդեն մի քանի տարի Հայաստանի մայրաքաղաքը մտնում է աշխարհի ամենաանվտանգ 20 քաղաքների շարքի մեջ։ 2024-ին Հայաստանը 329 քաղաքների մեջ զբաղեցրեց 20-րդ տեղը, Հայաստանը դարձնելով Հարավային Կովկասի ամենաանվտանգ երկիրը։ IEP (Տնտեսագիտության և խաղաղության ինստիտուտ) միջազգային վերլուծական կենտրոնի կողմից հրապարակված “Global Peace Index” ցուցակում Հայաստանը 54-րդ տեղում է աշխարհում և 2-րդ տեղում՝ տարածաշրջանում, քանի որ 10 տարի շարունակ բարելավումներ են եղել դրական աշխարհի բոլոր ոլորտներում։

Քա՛յլ արեք Ձեր ապահովված ապագային ընթառաջ։ Կապիտալի ներդրումը անշարժ գույքի մեջ ստաբիլ, հուսալի և եկամտաբեր ներդրում է։